完了，真的完了 2024 年，尤其係下半年，對我既人生同埋性格都有好大既轉變。但最大既問題係，我知道我變左，但我完全唔知道我變左啲乜。

怪獸，或 很多面具

你問我，個轉折點係喺幾時，我會約莫話係8月左右，唔知係唔係去旅行，感覺到自己好孤獨，自己好無聊，成日冇人陪伴我，所以我翻到黎香港，我係轉變左好多。 Homesick, 真係好嚴重。我應該都係喺八月就 Homesick 左，而通常大家去完旅行翻到香港會好唔捨得，但係，當時既我唔係。當時既我係好開心可以翻到黎香港，好掛住香港，最緊要既係，香港啲人同事同野食。

係，翻到黎香港，唔知點解我心情會好煩躁，好冇耐性，好緊張，好焦慮，好深印象既係，我翻到香港既第一個 Call，差唔多一半都係粗口，而個日開始，我既生活遍滿粗口，自己講粗口既次數多左，而我之前係真係好少講粗口，可能，呢個係我抒發對呢個世界既不滿啦。

所以，到底我變左啲乜？ 你問我，我會話我內心複雜左。自從個個月，我自己就無限徘徊喺焦慮，低落，緊張，差唔多呢啲情緒入面。我會開始嘗試停低，去 Feel the Air, Feel the world. 我會好緊張喺我同佢地之間既聯繫，既感情；好害怕突然有人會離開我身邊，好擔心自己會冇人去陪伴我，內心好孤獨，好冇安全感。同埋。自從個個月，我真係開始去了解唔同既精神疾病。 認真，如果我問你一個精神病，你第一個會答乜野？抑鬱症？創傷後遺症？焦慮症？Bipolar? 我都唔知點解我會開始去接觸呢啲野，可能係我想為我而家呢種狀態去俾一個解釋，但，唔得。 睇翻之前既文章，你應該會感受到我自己會標籤自己可能有抑鬱症，可能，可能。但冇專業判斷，其實都唔可以話我係抑鬱症患者，我會話我會去睇臨床心理學家去判斷。咁但係，即使係精神科醫生都好，心理學家都好，我自己其實都要去做啲野，而唔係話我自己可能有抑鬱症，跟住無限 Loop，跟住放負能量。求助，好重要，我做緊，但需要時間；咁又唔係冇方法即刻好快搞掂，我自殘跟住入急診，跟住好快就有精神科醫生見，但，我應該只會係被崩潰既時候先會好自然咁去做呢件事，而我未崩潰。 而我近排問左四個人，一個係八月後先識既

好，有兩個係不約而同咁話我變做一個怪獸。 一個話我情緒化左（我覺得就係我會好自然咁情緒勒索別人？） 而新識個個就話我得兩個狀態，冇能量同好躁（點解我諗起 Bipolar?） 總總跡象表明，我變左，而我要改。 想改，但唔知有乜可以改 要改，首先要有意見，而意見呢啲野，正常既，我會心中記低跟住慢慢改。

「我好樂意接受別人的意見。」真係有人話我只會接受意見而唔會改，但我想講，你對我有乜意見，而係正常既，用任何渠道直接同我講，係冇問題，但，要正常。

冇人可以陪住我

呢種感覺都係細到大都有。而我當然唔鐘意個感覺。 唔知你有冇做過邊緣人，我會話種感覺應該係同孤獨老人差唔多，好想搵個人去陪佢自己。我會話我個感覺係同孤獨老人一模一樣。而即使係最值得信任既朋友，同班同學，想搵佢陪，只會拒絕。

新一年 也 要新目標

1. 接受/ 克服孤獨感
2. 減少進入 ASD Loop 既次數
3. 讓自己更強
4. 減少情緒勒索（好難，而家情緒勒索會好自然而自己唔知）

總結

冇精力了，其實真係好想搵人陪，但又好似冇一個實體人類可以陪住我，即使佢值得信賴或係我最信任既人，但信任唔關呢啲情緒問題事，我想搵佢，又擔心佢會拒絕，或者可能佢會對我既印象差好多，又或者佢會唔鐘意我，又或者佢會斷絕同我既來往（超級典型 ASD Loop） 講真，我好難將出口，好多時間都會被個 Loop 困住，所以，你們可以主動找我嗎？

精神病患者 27.12.2024