Hello, 當你見到呢篇野，你已經知道 12 月已經過左 8+7+15 日，離 2024 年結束仲有 16 日。
人間隔離營
I feel that we are not living in the same world. I feel disconected.
由細到大，我都係個邊緣人。由細到大，我都係一個冇乜興趣既人。由細到大，我都係一個好空虛既人。由細到大，我都係個孤獨既人。
有人同我講過，話其實我都可以同佢哋活在同一個世界，咁但係 雖然喺人地眼中，我地係活在同一個世界，但問題係，我都要覺得我係活在同一個世界。
與其話係人地隔離我，不如話可能係我自己隔離自己。
不如問下，你覺得此時此刻，你自己既世界有乜野。
如果人地咁問我，我一定會猶豫，但心中早有答案，寥寥可數。
又唔可以話我冇興趣，咁但係興趣都唔適合/可以持續落去。
可以話係個興趣做完就完，冇乜野可以令到我繼續持續有興趣。就好似網絡遊戲一樣，例如原神，都會定期出新角色黎吸引玩家繼續課金/玩。
你不能讀心
有時，我會感慨，如果人地知道我做緊乜野，就好啦。
唔知你覺得一個喺後面默默付出既人係點呢？好偉大？好傻？好白癡？定點？
我問翻我自己，我覺得我好傻。
唔記得係唔係九月，我講過，請只對自己善。係啊，點解要咁為別人而著想，只為自己不好嗎？
犧牲得太多了，太為別人而照想，為左別人而令到沒有了自己。回報又好像被取去。
點解要為別人生存 為自己生存不好嗎?
我也不能讀心
口話只為自己善遮，但實際上都好難做到。
唔知係唔係天命，上完領導才之後多左好多領導既機會，而家我覺得，每一個領袖都值得感激。
停停停，我離左題。
我好為別人著想啦，每一次我覺得自己可能有啲失格，我都會好擔心自己既行為對人地既影響係點，可能唔係好多，但有時都幾嚴重。
我會因為咁而焦慮，擔心，唔知道我應該點樣去解釋，唔知我咁樣之後我自己會點，人地會唔會對我印象差左，會唔會唔仲意我，會唔會從此避開我。
阿焦
我飲咖啡其實有時候心跳會突然加速，咁但係有時真係冇精神 (雖然飲完都係冇精神)，或者日日，都會飲。咁但係我發現朝早都會好焦慮，心跳加速，成個人好唔冷靜，成個人都不受控制，咁之後停左日咖啡，觀察自己。
好，係新既一日啦。
今日唔同左，我冇飲咖啡。
翻到學校，好正常。
第一堂，好正常。
第三堂，屌，又黎。雖然冇咁多焦慮，咁但係其實焦慮既成因並不是飲咖啡。
Four Cycle 玩死我
顛，呢個文章係逼出黎既，唔係話逼出黎唔好，係根本冇乜野去總結。
所以我覺得直接 cut Cycle 3 & 4
直接出 2024 年總結。
The End.
1+9-8+4=6
其實 1984 係我第一個電話號碼最後四個數字，冇意義。
P.S. 下個 Post 會開連續寫作計劃 aka 《你不能讀心》
Comments NOTHING