今次用小小新玩法，希望可以擦覺到轉變，我唔想再咁沉悶、放負。我已經自己停低左喺同一個位置幾個月啦，下面啲草都死曬啦，完全冇意義。
呢個月狀態差左，真係多謝個個察覺到既個個人。
我低落既日子係多左既，而係多左冇原因既焦慮緊張，多左想喊既感覺，多左嘆氣，多左自殘同自殺既想法 (好驚 血 痛 → 唔敢)
講過小故事先。你而家身邊有一個成日纏繞住你既怪獸 (無論實體非實體都好) ，個怪獸會持續佢騷擾你，令到你心情差 等等等等。
你而家好開心，喺海洋公園同緊你心入面認為最好既一個/班人玩，你好享受個過程。咁但係，突然之間，個怪獸突然出現，慢慢咁纏繞住你，一開始你可能會 feel 唔到，但佢慢慢 慢慢 咁去控制你，去令到你感覺到心情好差/好煩擾，你好想屌柒佢，跟住你個最好既個個人問你一啲白癡問題，你會點？
(為左控制變量，我唔理你會點，我都 expect 大家都會屌柒個個人)
一個纏繞住你既怪獸，可能係你既 on9 隊友，可能係你既 on9 家人，但大家應該諗唔到佢可以係 抑鬱症 ?講真，我都諗唔到可以用一個實體/怪獸來代表抑鬱症，但呢個比喻真係好好。
這 是一個在空氣中的隱形怪獸。
你而家係油浸吞拿魚入面個吞拿魚，成個世界都係成 pat 油，你很難活動。你想做自己想做既野，但油既阻力，令到你不能好好控制自己。你既腦都被油浸住，你不能好好思考。你既思想不能再次清晰。你既視覺變得模糊，你既反應變得遲緩。你而家對任何事物都失去熱誠。你空閒既時候覺得自己好自卑。你既所有精神精力都被吸去。你係一個每日都好疲倦既人。
咁多 buff 加埋（連埋個纏繞住既隱形怪獸），你會點生活？不如我黎形容下？（我盡量形容得好啲）
油浸人既一日：
你剛剛起身，你入到廁所梳洗，跟住食早餐。你而家個心動彈不得，咁剛剛起身吖嘛，冇野既.......
嗎？
好啦，去返學啦。你自己一個係街邊開住音樂、帶住耳機。你行到大約到小巴/巴士站，你突然感覺到個隱形怪獸係空氣入面慢慢分離出黎，慢慢控制住你。你而家個心入面好像喊，你個心感覺到好沉悶，成個人最終被油浸。
而家成個朝早都持續被油浸住。
而家放飯，你見到個燈柱，你突然好想攬住佢，但你忍住。
又上堂，而家係小測。你本來好認真咁去做佢，咁但係突然之間，你失左神，你成個人突然之間變得好焦慮，好緊張，你不能控制自己。你而家徘徊緊喺清醒和失控既邊緣，你感覺到自己並不存在在這裡，你可能會自殘，只有痛能令到你感覺到自己仍在生存。
你而家放學 (當 07:00)，你個焦慮緊張狀態仍然存在。你行緊返屋企既途中又遇見到你放飯既時候見到既燈柱，你控制唔到自己，你攬左佢幾分鐘。
你而家到左屋企，你入左廁所，坐喺馬桶上面，你而家喪喊，你完全唔知道自己發生咩事，明明呢排都冇乜事發生，點解自己可以咁崩潰，點解自己可以咁低落，點解自己個狀態咁差。
第二日，理智回來了，但你經歷了幾次徘徊後，你知道可能理智既時間可能唔會好長......
呢個既油浸人既一日。你每日都在經歷呢種徘徊，你可以硬撐。
Your most reliable person left.
你崩潰了，但過左 10 次循環之後，你的理智回來了，回來了幾日。
你明白到你應該要喺理智既時候盡量做野去預防自己再次崩潰，但你失敗了，空氣中的隱形怪獸回來了。
You find your second most reliable person. However, he let you down.
你再次踏入循環。
這，就是 11 月。
我 還好嗎？
Comments NOTHING