mmw1984’s blog: Early Nov 2024

補發，唔知點解唔見左，應該係最後一篇咁既風格既文章。好彩我之前 backup 左

前言

今個月非常複雜。其實我好多既情緒，都係自己既問題。今個月，我開始去回顧一下點解我個日會嬲，點解我會有咁既情緒。與此同時，抑鬱症發作。

缺愛，渴望愛

一個擁抱，一個陪伴，一個 Deeptalk，都有可能係愛/ 安全感。呢一年，我瘋狂咁去尋找安全感，但，點解我咁缺愛。

我的童年缺乏愛，一個足夠的擁抱、身體接觸、溫暖柔軟的感覺對我真係好滿足。我好珍惜每一次呢個時刻，簡單黎講，一個膊頭其實就可以。可能有啲人會覺得好基，但，呢個時候，除左咁，仲可以點？唔通屌人地咩，但目前黎講，冇一個人可以咁。

這是軟弱的行為嗎？無可否應，係。但人唔可以係一個軟弱無能既人咩？每一個人，總會有深受打擊既一段時間，喺呢段時間，軟弱，係好正常既一件事，無論呢段時間持續幾耐都好。

心痛/ 胸悶

我開始胸悶既時間係 2023 年 9 月。胸悶既感覺係點呢？簡單黎講，你會覺得個心係持續冇停止俾無形既野去壓住，心入面想喊但又喊唔出。係，喊完個感覺會好好多，但自己有時喊既時機唔係好好；就例如丫，喺旺角本身想買書包同鞋，跟住 ofc 阿媽俾啦，必需品，跟住問阿媽拎前又話又要溫書，跟住中三談 DSE，理想，跟住乜乜物物，跟住唔記得點解佢又發火，認真，500 蚊既鞋，560 蚊既書包都話貴，我真係屌 7 佢，物價冇升啊？叫我喺旺角買 299 既鞋，我唔想咩，事實唔允許吖嘛，加上抑鬱情緒，導致我喺旺角爆喊（雖然好快就冷靜落黎啦），咁呢個 situation 就真係時機唔係好啱 ge… 但喊完，個胸悶既感覺係真係微微減輕左。

The Positive Mask

Mask? 口罩? 唔係，係面具。相信每一個人喺不同人面前都會有屬於自己獨一無二既面具，有啲人可能只有一個，有啲人有好多個，但我唔相信冇一個人，喺陌生人面前，會有一個面具；喺某啲人，會除低自己既面具，顯露真正既自己；呢個話題其實屬於每個人，每一個人既面具都唔同，亦可能會為一啲人去特製屬於佢自己既面具，不如俾我分享一下自己既其中一個面具？

The Positive Mask for EVERYONE: 喺呢個面具下，我隱藏左我自己既軟弱無能，偽造出我自己外表看起來強壯既一面，外向，友善，樂於助人，假笑，成日同意別人既看法。

由於孤獨所以空虛

人類，一個群體生物，而不是一個可以獨立生活既生物。每個人都不一定有群體，可能是獨立的；而獨立的並不是正常的人類。

我，孤獨嗎？

是的，由細到大，我要都覺得我係邊緣人，大部分事情我都係自己去承受，自己既挫折，自己被欺凌，自己被人鬧，每一次，都係自己喺度承受，旁邊唔會有人去 support 我。同時，我見到每一個陌生人，都唔會去即刻信賴佢，無論幾熟既人，我都可能唔會去 fully trust 個個人，咁但係點解？咁緊係自己童年一啲既事創造出而家既我啦。

咁但係信任關孤獨事？其實有關聯。由於我唔信任一個人，導致我只相信自己，所以我就會攬曬啲野俾自己去做。當我攬曬啲野俾自己做，我就會有壓力，跟住就會覺得孤獨。咁但係有問題，本身其實有人去做，咁但係因為我唔信任，所以就自己做，跟住又覺得自己孤獨??? 所以，我要改?

安全感

每個人獲取安全感既方法都可能唔同，我點樣獲得安全感？可能你會覺得好怪，係擁抱。安全感係人類生存非常重要既野。馬斯洛需求理論入面，安全感就喺第二層入面；沒有安全感，何談獨立自主？係，安全感既獲取方式不只有擁抱，仲有其他，咁但係，我擇左擁抱當然有自己既原因。擁抱不等於性，擁抱可以互相帶來溫暖，安全感等等等等。定係，我講缺乏安全感同孤獨感混淆